ಮಂಗಳೂರು: ಶ್ರೀ ಸ್ವಾಮಿ ಕೋರ‍್ದಬ್ಬು ದೈವಸ್ಥಾನ ಪರಿಯಾಲ, ಅಂಬ್ಲಮೊಗರು ಇದರ 22 ನೇ ವಾರ್ಷಿಕ ನೇಮೋತ್ಸವ ಇದೇ ಬರುವ ಫೆಬ್ರವರಿ 3 ರಿಂದ 5 ನೇ ತಾರೀಖಿನವರೆಗೆ ನಡೆಯಲಿದೆ.
ಫೆಬ್ರವರಿ 3 ರಂದು ಬೆಳಿಗ್ಗೆ 8 ಗಂಟೆಗೆ ನಾಗತಂಬಿಲ, ನಂತರ ಬೆಳಿಗ್ಗೆ ಗಂಟೆ 10 ರಿಂದ ಶ್ರೀ ಸತ್ಯನಾರಾಯಣ ಪೂಜೆ ಹಾಗೂ ಮಧ್ಯಾಹ್ನ ಅನ್ನಸಂತರ್ಪಣೆ ನಡೆಯಲಿದೆ. ಅದೇ ದಿನ ರಾತ್ರಿ 10 ಗಂಟೆಗೆ ಶ್ರೀ ಕೋರ‍್ದಬ್ಬು ತನ್ನಿಮಾನಿಗ ದೈವಗಳ ನೇಮೋತ್ಸವ ನಡೆಯಲಿದೆ. ಫೆಬ್ರವರಿ 4 ರಂದು ರಾತ್ರಿ 10 ಗಂಟೆಗೆ ಶ್ರೀ ಪಂಜುರ್ಲಿ , ಗುಳಿಗ ಹಾಗೂ ಪರಿವಾರ ದೈವಗಳ ನೇಮೋತ್ಸವ ನಡೆಯಲಿದ್ದು ಫೆಬ್ರವರಿ 5 ರಂದು ಬೆಳಿಗ್ಗೆ 7 ಗಂಟೆಗೆ ಶ್ರೀ ಸಂಕೋಲೆ ಗುಳಿಗ ದೈವದ ನೇಮೋತ್ಸವ ನಡೆಯಲಿದೆ.
ಈ ಎಲ್ಲಾ ದೈವ ದೇವರ ಕಾರ್ಯಕ್ರಮಕ್ಕೆ ಪರಿಯಾಲ ಗುತ್ತು ಶ್ರೀ ಸ್ವಾಮಿ ಕೋರ‍್ದಬ್ಬು ದೈವಸ್ಥಾನದ ಸೇವಾಸಮಿತಿ, ಮಹಿಳಾ ಸಮಿತಿ, ಊರ ಹತ್ತು ಸಮಸ್ತರು ಹಾಗೂ ಗುರಿಕಾರರು ಸರ್ವರಿಗೂ ಆದರದ ಸ್ವಾಗತ ಕೋರಿದ್ದಾರೆ.
