ಪುತ್ತೂರು: ನಾಳೆ ಸಂಜೆ (30.11.2023 ರಂದು) ಪುತ್ತೂರು ಕುಂಬ್ರದ ಶ್ರೀ ರಾಮ ಭಜನಾ ಮಂದಿರದ ಶ್ರೀ ರಾಮಗಿರಿ ಮಂಟಪ ವೇದಿಕೆಯಲ್ಲಿ “ಮಂದಾರ ಬಳಗ” ಕುಂಬ್ರ ವತಿಯಿಂದ “ಮಂದಾರ ಪ್ರಶಸ್ತಿ” 2023 ಪ್ರಶಸ್ತಿ ಪ್ರಧಾನ ಸಮಾರಂಭ ನಡೆಯಲಿದೆ.
ಕಾರ್ಯಕ್ರಮದ ಉದ್ಘಾಟನೆಯನ್ನು ಪುತ್ತೂರು ವಿಧಾನಸಭಾ ಕ್ಷೇತ್ರದ ಜನಪ್ರಿಯ ಶಾಸಕರಾದ ಶ್ರೀ ಅಶೋಕ್ ಕುಮಾರ್ ರೈ ರವರು ನಡೆಸಲಿದ್ದು ಹಲವಾರು ಗಣ್ಯರ ಉಪಸ್ಥಿತಿಯಲ್ಲಿ ಕಾರ್ಯಕ್ರಮ ಜರುಗಲಿದೆ.
ಈ ಬಾರಿ ಮಂದಾರ ಪ್ರಶಸ್ತಿ 2023 ಸಮಾಜ ಸೇವೆ ಕ್ಷೇತ್ರದಲ್ಲಿ ಶ್ರೀ ರವೀಂದ್ರ ಶೆಟ್ಟಿ ನುಳಿಯಾಲು, ಪರಿಸರ ಸಂರಕ್ಷಣೆ ಡಾ| ಆರ್.ಕೆ ನಾಯರ್ ಹಾಗೂ ಉದ್ಯಮ ಕ್ಷೇತ್ರದಲ್ಲಿ ಶ್ರೀ ಭಾಗ್ಯೇಶ್ ರೈ ಅವರಿಗೆ ಲಭಿಸಲಿದೆ.
ಸಭಾ ಕಾರ್ಯಕ್ರಮದ ಬಳಿಕ “ಅಮ್ಮ ಕಲಾವಿದೆರ್” ಕುಡ್ಲ ಅಭಿನಯದ ರಂಗ್ ದ ರಾಜೆ ಸುಂದರ್ ರೈ ಮಂದಾರ ನಿರ್ದೇಶಿಸಿ ,ಅಭಿನಯಿಸುವ ಈ ವರ್ಷದ ಸೂಪರ್ ಹಿಟ್ ತುಳು ಸಾಂಸಾರಿಕ ಹಾಸ್ಯ ನಾಟಕ “ಅಮ್ಮೆರ್” ಪ್ರದರ್ಶನಗೊಳ್ಳಲಿದೆ.
