ನವದೆಹಲಿ : ಭಾರತೀಯ ಅಂಚೆ ಸೇವೆಯಲ್ಲಿ ದೀರ್ಘಕಾಲದಿಂದ ಚಾಲ್ತಿಯಲ್ಲಿರುವ ನೋಂದಾಯಿತ ಅಂಚೆ ಸೇವೆಯನ್ನ ಶೀಘ್ರದಲ್ಲೇ ಹಂತಹಂತವಾಗಿ ರದ್ದುಗೊಳಿಸಲಾಗುವುದು. ಸೇವೆಗಳನ್ನ ಆಧುನೀಕರಿಸುವ ಪ್ರಯತ್ನಗಳ ಭಾಗವಾಗಿ, ಅಂಚೆ ಇಲಾಖೆಯು ಸೆಪ್ಟೆಂಬರ್ 1, 2025 ರಿಂದ ನೋಂದಾಯಿತ ಅಂಚೆ ಸೇವೆಗಳನ್ನ ಸ್ಪೀಡ್ ಪೋಸ್ಟ್’ನೊಂದಿಗೆ ವಿಲೀನಗೊಳಿಸಲು ನಿರ್ಧರಿಸಿದೆ. ಇದರೊಂದಿಗೆ, ಪ್ರಮುಖ ದಾಖಲೆಗಳನ್ನ ಕಳುಹಿಸಲು ಬಯಸುವವರು ಸ್ಪೀಡ್ ಪೋಸ್ಟ್ ಮಾತ್ರ ಬಳಸಬೇಕಾಗುತ್ತದೆ. ಇಲ್ಲಿಯವರೆಗೆ, ನೋಂದಾಯಿತ ಅಂಚೆಯನ್ನ ಮುಖ್ಯವಾಗಿ ಪ್ರಮುಖ ಮತ್ತು ಕಾನೂನು ದಾಖಲೆಗಳನ್ನ ಸುರಕ್ಷಿತವಾಗಿ ಕಳುಹಿಸಲು ಬಳಸಲಾಗುತ್ತಿತ್ತು.
ಕಾನೂನು ಸೂಚನೆಗಳು, ನೇಮಕಾತಿ ಪತ್ರಗಳು ಮತ್ತು ಬ್ಯಾಂಕ್ ಸಂಬಂಧಿತ ದಾಖಲೆಗಳಂತಹ ವಿಷಯಗಳಿಗೆ ಇದನ್ನು ಸುರಕ್ಷಿತವೆಂದು ಪರಿಗಣಿಸಲಾಗಿತ್ತು. ಇದರ ಪ್ರಮುಖ ವೈಶಿಷ್ಟ್ಯವೆಂದರೆ ವಸ್ತುವು ಇತರ ಪಕ್ಷವನ್ನ ತಲುಪಿದೆ ಎಂಬ ರಶೀದಿಯನ್ನ ಪಡೆಯುವುದು. ಆದಾಗ್ಯೂ, ಸ್ಪೀಡ್ ಪೋಸ್ಟ್ ವೇಗದ ವಿತರಣೆಗೆ ಆದ್ಯತೆ ನೀಡುತ್ತದೆ.
Registered Post service is to be merged with the Speed Post service for domestic mail transmission wef 01.09.2025#IndiaPost #postoffice #Services #History #Communication #speedpost pic.twitter.com/56RRLUyfEM
— युवक (@yuvak30) July 29, 2025
ಇತ್ತೀಚಿನ ನಿರ್ಧಾರದ ಪ್ರಕಾರ, ದೇಶೀಯ ಅಂಚೆ ಸೇವೆಗಳನ್ನ ಸುವ್ಯವಸ್ಥಿತಗೊಳಿಸಲು, ಕಾರ್ಯಾಚರಣೆಯ ದಕ್ಷತೆಯನ್ನ ಹೆಚ್ಚಿಸಲು ಮತ್ತು ಟ್ರ್ಯಾಕಿಂಗ್ ವ್ಯವಸ್ಥೆಯನ್ನ ಸುಧಾರಿಸಲು ಈ ಪ್ರಕ್ರಿಯೆಯು ಉಪಯುಕ್ತವಾಗಲಿದೆ ಎಂದು ಅಂಚೆ ಇಲಾಖೆ ತಿಳಿಸಿದೆ. ಸೆಪ್ಟೆಂಬರ್ 1ರಿಂದ, ನೋಂದಾಯಿತ ಪೋಸ್ಟ್ ಎಂಬ ವಿಶೇಷ ಸೇವೆ ಇರುವುದಿಲ್ಲ. ಆದಾಗ್ಯೂ, ನೋಂದಾಯಿತ ಪೋಸ್ಟ್’ನಲ್ಲಿ ಸ್ವೀಕರಿಸುವವರ ವಿತರಣಾ ಪುರಾವೆ ಮತ್ತು ಸಹಿಯನ್ನ ಸ್ಪೀಡ್ ಪೋಸ್ಟ್’ನಲ್ಲಿ “ಮೌಲ್ಯವರ್ಧಿತ ಸೇವೆಗಳು” ಎಂದು ಒದಗಿಸಲಾಗುವುದು ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
ಅದ್ಯಾಗೂ ಇದು ಅಂಚೆ ಸೇವಾ ಬೆಲೆಗಳಲ್ಲಿ ಹೆಚ್ಚಳಕ್ಕೆ ಕಾರಣವಾಗಬಹುದು ಎಂದು ಗ್ರಾಹಕರು ಚಿಂತಿತರಾಗಿದ್ದಾರೆ. ಯಾಕಂದ್ರೆ, ನೋಂದಾಯಿತ ಅಂಚೆ ಶುಲ್ಕಗಳು ಸ್ಪೀಡ್ ಪೋಸ್ಟ್’ಗಿಂತ ಕಡಿಮೆ ಇದೆ. ಉದಾಹರಣೆಗೆ, ನೋಂದಾಯಿತ ಅಂಚೆಗೆ ಕನಿಷ್ಠ ಶುಲ್ಕ 26 ರೂ. ಆಗಿದ್ದರೆ, ಸ್ಪೀಡ್ ಪೋಸ್ಟ್’ಗೆ ಅದು 41 ರೂಪಾಯಿ.
