ರಾಜ್ಯದ 14 ಲೋಕಸಭಾ ಕ್ಷೇತ್ರಗಳಲ್ಲಿ ಇಂದು ಬೆಳಗ್ಗೆ 7ಗಂಟೆಯಿಂದ ಬಿರುಸಿನಿಂದ ಮತದಾನ ನಡೆಯುತ್ತಿದೆ. ಮತದಾರರು ಬಹಳ ಉತ್ಸಾಹದಿಂದ ಸರತಿ ಸಾಲಿನಲ್ಲಿ ನಿಂತು ಮತ ಚಲಾಯಿಸುತ್ತಿದ್ದಾರೆ. ಬೆಳಗ್ಗೆ 9 ಗಂಟೆ ಲೆಕ್ಕಾಚಾರದ ಪ್ರಕಾರ ದಕ್ಷಿಣ ಕನ್ನಡದಲ್ಲಿ ಅತಿಹೆಚ್ಚು ಅಂದರೆ ಶೇ.14.33 ಮತದಾನವಾಗಿದೆ. ಉಡುಪಿ ಶೇ.12.82, ಹಾಸನ ಶೇ.8.23, ಚಿತ್ರದುರ್ಗ-ಶೇ.7.73, ತುಮಕೂರು-ಶೇ.9.57, ಮೈಸೂರು- ಶೇ.11.01, ಬೆಂಗಳೂರು ಉತ್ತರ-ಶೇ.8.64, ಬೆಂಗಳೂರು ಕೇಂದ್ರ-ಶೇ.8.14, ಬೆಂಗಳೂರು ದಕ್ಷಿಣ-ಶೇ.9.08, ಚಿಕ್ಕಬಳ್ಳಾಪುರ-ಶೇ.8.74, ಕೋಲಾರ-ಶೇ.8.30 ಮತದಾನವಾಗಿದೆ.
