ಹೆಬ್ರಿ: ಬೃಹತ್ ಕಾಳಿಂಗ ಸರ್ಪವೊಂದು ಹೆಬ್ರಿ ತಾಲೂಕಿನ ಕುಚ್ಚೂರು ಗ್ರಾಮದ ನಾಗೇಶ್ ಎಂಬವರ ಮನೆಯಲ್ಲಿ ಶುಕ್ರವಾರ ಪತ್ತೆಯಾಗಿದೆ.
ಸಾಮಾಜಿಕ ಕಾರ್ಯಕರ್ತ ಹಾಗೂ ಕಾರ್ಕಳ ಜೆಡಿಎಸ್ ಅಧ್ಯಕ್ಷ ಶ್ರೀಕಾಂತ ಅವರಿಗೆ ಈ ಕುರಿತು ಶುಕ್ರವಾರ ಸಂಜೆ ಕರೆ ಬಂದ ಹಿನ್ನಲ್ಲೆಯಲ್ಲಿ ಸಂಬಂಧಪಟ್ಟ ಅರಣ್ಯ ಇಲಾಖೆಗೆ ಮಾಹಿತಿ ರವಾಯಿಸಿದ್ದಾರೆ. ಬಳಿಕ ಆಗುಂಬೆ ಕಾಳಿಂಗ ಸರ್ಪದ ಸಂಶೋಧಕ ಅಜಯ್ ಗಿರಿ ಅವರಿಗೆ ಕರೆ ಮಾಡಿ ಸಂಪರ್ಕಿಸಿದಾಗ ಕೂಡಲೇ ಅವರ ತಂಡದೊಂದಿಗೆ ಕೂಚ್ಚೂರಿಗೆ ಆಗಮಿಸಿದ್ದಾರೆ.
ಸೌದೆ ಕೊಟ್ಟಿಗೆಯೊಳಗೆ ಕಾಳಿಂಗ ಸರ್ಪ ಅವಿತು ಕುಳಿತಿತ್ತು. ಬಳಿಕ ಕಾಳಿಂಗ ಸರ್ಪವನ್ನು ಜೋಪಾನವಾಗಿ ಸೆರೆ ಹಿಡಿದು ಸಂಶೋಧಕ ಅಜಯ್ ಗಿರಿ ಕಾಳಿಂಗ ಸರ್ಪಕ್ಕೆ ಜಿಪಿಎಸ್ ಚಿಪ್ಪನ್ನು ಅಳವಡಿಸಿದ್ದಾರೆ.
