ಮಂಗಳೂರು: ಲಂಚುಲಾಲ್ ನೇತೃತ್ವದ ಅಸ್ತ್ರ ಸಂಸ್ಥೆಯ ಪ್ರಾಣಾಸ್ತ್ರ ಟ್ರಸ್ಟ್ ಮೂಲಕ ಬಡ ಜನರ ಸೇವೆಗಾಗಿ ಉಚಿತ ಆಂಬುಲೆನ್ಸ್ ಲೋಕಾರ್ಪಣೆ ಕಾರ್ಯಕ್ರಮವು ನ.14 ರಂದು ತೊಕ್ಕೊಟ್ಟು ಒಳಪೇಟೆ ಅಂಬೇಡ್ಕರ್ ರಂಗ ಮಂದಿರದಲ್ಲಿ ನಡೆಯಿತು.
ತೊಕ್ಕೊಟ್ಟು ಉಳ್ಳಾಲ ನಗರ ವಾಸುಕೀ ಶಾಖೆಯ ವಿಶ್ವಹಿಂದೂ ಪರಿಷತ್ ಬಜರಂಗದಳಕ್ಕೆ ಈ ಅಂಬುಲೆನ್ಸ್ ಹಸ್ತಾಂತರ ಮಾಡಲಾಗಿದ್ದು ಇದರ ನಿರ್ವಹಣೆಯನ್ನು ನಡೆಸಲಿದ್ದಾರೆ.
ಕಾರ್ಯಕ್ರಮದಲ್ಲಿ ವಜ್ರದೇಹಿ ಮಠದ ಶ್ರೀ ರಾಜಶೇಖರಾನಂದ ಸ್ವಾಮೀಜಿ ಉಪಸ್ಥಿತರಿದ್ದು, ಮಂಗಳೂರು ಮಹಾನಗರ ಪಾಲಿಕೆಯ ಮೇಯರ್ ಮನೋಜ್ ಕೋಡಿಕಲ್,ವಿಶ್ವಹಿಂದೂ ಪರಿಷತ್ ಮುಖಂಡರಾದ ಶರಣ್ ಪಂಪ್ವೆಲ್ ಹಾಗೂ ಮುಂತಾದ ಗಣ್ಯರು ಉಪಸ್ಥಿತರಿದ್ದರು.
ಮುಂದಿನ ದಿನಗಳಲ್ಲಿ ಹಿಂದು-ಮುಸ್ಲಿಂ-ಕ್ರೈಸ್ತ ಸಮುದಾಯದ ಬಡ ಕುಟುಂಬದ ತಲಾ ಒಂದು ಜೋಡಿಗೆ ಸಾಮೂಹಿಕ ವಿವಾಹ ಮಾಡಿಕೊಡಲು ಅಸ್ತ್ರ ಸಂಸ್ಥೆಯು ನಿರ್ಧರಿಸಿದ್ದು ಮದುವೆಯಾಗುವ ಜೋಡಿ ಅಂತಿಮಗೊಂಡ ಬಳಿಕ ಸಾಮೂಹಿಕ ಮದುವೆಯ ದಿನಾಂಕ ನಿಗದಿಪಡಿಸಲಾಗುವುದು ಎಂದು ತಿಳಿಸಿದರು.
