ಮುತ್ತೂರು ಗ್ರಾಮದ ತಾರೆಮಾರ್ ಸೈಟ್ ಎಂಬಲ್ಲಿ ಗೋಪಾಲ್ ಹಾಗೂ ವೀಣಾ ವೀರೇಂದ್ರ ಇವರ ಮನೆಯ ಹಿಂಬದಿ ಗುಡ್ಡ ಕುಸಿದು ಮನೆಗೆ ಹಾನಿಯಾಗಿದೆ . ತಾರೆಮಾರ್ pwd ರಸ್ತೆ ಬದಿ ಗುಡ್ಡ ಕುಸಿದು ಮೇಲಿನ ಮನೆಗಳಿಗೆ ಹಾನಿಯಾಗುವ ಸಂಭವವಿದೆ.
ಮುತ್ತೂರು ಗ್ರಾಮ ಪಂಚಾಯತ್ ಸದಸ್ಯೆ ರುಕ್ಮಿಣಿ ಇವರ ಮನೆಯ ದನದ ಕೊಟ್ಟಿಗೆಗೆ ಕಾಂಪೌಂಡ್ ಕುಸಿದು ಹಾನಿಯಾಗಿದೆ . ಮುತ್ತೂರು KPS ಪ್ರೌಢ ಶಾಲೆ ಹತ್ತಿರ ರಮ್ಲತ್ ಇವರ ಮನೆಯ ಅಂಗಳ ಕುಸಿದು ಮನೆಗೆ ಹಾನಿಯಾಗುವ ಸಂಭವವಿದೆ ಕೊಳವೂರು ಗ್ರಾಮದ ಶಶಿಕಲಾ ಡೊಂಬಯ ಇವರ ಮನೆ ಬಳಿ ಕಾಂಪೌಂಡ್ ಕುಸಿದು ಮನೆಗೆ ಹಾನಿಯಾಗಿದೆ . ಘಟನಾ ಸ್ಥಳಕ್ಕೆ ಮುತ್ತೂರು ಗ್ರಾಮ ಪಂಚಾಯತ್ ಅಧ್ಯಕ್ಷರಾದ ಪ್ರವೀಣ್ ಆಳ್ವ ಗುಂಡ್ಯ , ಸದಸ್ಯರಾದ ಜಗದೀಶ್ ದುರ್ಗಾಕೋಡಿ , ಮಾಲತಿ , ಶಶಿಕಲಾ , ತಾರಾನಾಥ ಕುಲಾಲ್ ಹಾಗೂ ಪಂಚಾಯತ್ ಕಾರ್ಯದರ್ಶಿ ವಸಂತಿ ಭೇಟಿ ನೀಡಿದರು . ಹಾನಿಯಾಗಿರುವ ಮನೆಗೆ ಪರಿಹಾರಕ್ಕಾಗಿ ಸರಕಾರಕ್ಕೆ ಪತ್ರವನ್ನು ಬರೆಯುವುದೆಂದು ಗ್ರಾಮ ಪಂಚಾಯತ್ ಅಧ್ಯಕ್ಷರು ತಿಳಿಸಿದರು .
