ಮಂಗಳೂರು: ಇಂದಿನಿಂದ ಕಂಬಳದ ಋತು ಪ್ರಾರಂಭಗೊಂಡಿದ್ದು ಈಗಾಗಲೇ ಕಕ್ಕೆಪದವು ಸತ್ಯ – ಧರ್ಮ ಕಂಬಳ ಚಾಲನೆಗೊಂಡಿದೆ. ಇಂದಿನಿಂದ ಕರಾವಳಿಯಲ್ಲಿ ಹಬ್ಬದ ವಾತಾವರಣ ಶುರುಗೊಂಡಿದ್ದು ನಮ್ಮ ತುಳುನಾಡಿನ ಹಿರಿಮೆ ಗರಿಮೆಯ ಸಾಂಸ್ಕೃತಿಕ ಜನಪದ ಕ್ರೀಡೆಯಾದ ಕಂಬಳದ ಸಂಭ್ರಮ ಸಡಗರದಲ್ಲಿ ಪಾಲ್ಗೊಳ್ಳಲು, ವೈಭವವನ್ನು ನೋಡಲು,ಮಣ್ಣಿನ ಮಕ್ಕಳ ಪ್ರೀತಿ ಆತಿಥ್ಯವನ್ನು ಅನುಭವಿಸಲು, ಜೊತೆಗೆ ಕರಾವಳಿಯ ಸೊಬಗನ್ನು ಸವಿಯಲು ಎಲ್ಲರಿಗೂ ಮಂಗಳೂರು ಕಂಬಳ ಸಮಿತಿಯ ಅಧ್ಯಕ್ಷರಾದ ಕ್ಯಾಪ್ಟನ್ ಬ್ರಿಜೇಶ್ ಚೌಟ ರವರು ಸ್ವಾಗತ ಕೋರಿದ್ದಾರೆ.
ಅಂತೆಯೇ ಕಂಬಳ ಆಯೋಜಕರಿಗೆ, ಕೋಣಗಳ ಮಾಲೀಕರಿಗೆ, ಓಟಗಾರರಿಗೆ,ತೀರ್ಪುಗಾರರಿಗೆ, ವಿಶೇಷವಾಗಿ ಕಂಬಳಾಭಿಮಾನಿಗಳಿಗೆ ಶುಭ ಹಾರೈಕೆಗಳನ್ನು ಕೋರುತ್ತಾ ಎಲ್ಲರೂ ಒಟ್ಟಾಗಿ ಒಂದಾಗಿ ಕಂಬಳವನ್ನು ಉಳಿಸುವ ಬೆಳೆಸುವ ಹಾಗೂ ನಮ್ಮ ತುಳುವ ಸಂಸ್ಕೃತಿಯನ್ನು ಜಗತ್ತಿಗೆ ಪಸರಿಸುವ ಜವಾಬ್ದಾರಿ ನಮ್ಮದು ಎಂದರು. ಅದರಲ್ಲೂ ಈ ಬಾರಿ ಬೆಂಗಳೂರು ಕಂಬಳ ಆಯೋಜಿಸಿದ್ದು ಕಂಬಳದ ಗರಿಮೆ ಇನ್ನಷ್ಟು ಹೆಚ್ಚಿಸಲಿದೆ.
