ಎಸ್ ಟಿ ಹಾಸ್ಟೇಲ್ ಸ್ಥಳಾಂತರ ಶಾಸಕರ ಹೇಳಿಕೆ ಖಂಡನೀಯ:ಬಸವರಾಜ ಮ್ಯಾಗಳಮನಿ

MLA's statement on relocation of ST hostel is condemnable: Basavaraja Magalamani

ಗಂಗಾವತಿ:-ಕನಕಗಿರಿ ರಸ್ತೆಯ ಕ್ರಿಯೇಟಿವ್ ಪಾರ್ಕ್ ನ ಬಡಾವಣೆಯಲ್ಲಿ ಎಸ್ ಟಿ ಹಾಸ್ಟೇಲ್ ನಿರ್ಮಾಣ ಸ್ಥಳಾಂತರ ಮಾಡುವಂತೆ ಸೂಚನೆ ನೀಡಿರುವ ಗಂಗಾವತಿಯ ಶಾಸಕರ ಹೇಳಿಕೆಯನ್ನುಕೊಪ್ಪಳ ಜಿಲ್ಲಾ ಸರ್ವಾಂಗೀಣ ಅಭಿವ್ರದ್ದಿ ಹೋರಾಟ ಸಮಿತಿಯ ಜಲ್ಲಾ ಅಧ್ಯಕ್ಷ ಬಸವರಾಜ ಮ್ಯಾಗಳಮನಿ ಖಂಡಿಸಿದ್ದಾರೆ.ವಿಧ್ಯಾರ್ಥಿಗಳ ಭವಿಷ್ಯಕ್ಕೆ ಪ್ರೋತ್ಸಾಹ ನೀಡಬೇಕಾದ ಶಾಸಕರೇ ಉದ್ದೇಶಿತ ಜಾಗದಲ್ಲಿಯೇ ನಿರ್ಮಾಣ ಮಾಡುವ ಬದಲು ತಮ್ಮ ಸ್ವ ಹಿತಾಸಕ್ತಿಗೆ ಬೇರೆಯವರ ನೆಪ ಹೇಳಿ ಸ್ತಳಾಂತರಕ್ಕೆ ಮುಂದಾಗಿರುವ ಕ್ರಮ ಸರಿಯಾದುದಲ್ಲ. ಈಗಾಗಲೆ ಎಸ್ ಟಿ ಇಲಾಖೆಯಿಂದ ನಗರ ಪ್ರಾಧಿಕಾರಕ್ಕೆ ೩೦ ಲಕ್ಷ ಹಣ ಕಟ್ಟಲಾಗಿದೆ.ಹಿಂದಿನ ಶಾಸಕರು ಕೂಡ ಪೂಜೆ ಮಾಡಿದ್ದಾರೆ. ಪರಿಶಿಷ್ಟ ಪಂಗಡದ ಹಾಸ್ಟೇಲ್ ಆಗಿರುವದರಿಂದ ವಿಶೇಷ ಆಸಕ್ತಿ ವಹಿಸಿ ವಿರೋಧ ಮಾಡುವವರ ಮನವೋಲಿಸಿ ಕಾರ್ಯ ಮಾಡಬೇಕಾಗಿತ್ತು. ಆದರೆ ತಮ್ಮ ನಿವಾಸದ ಬಳಿ ಹಾಸ್ಟೇಲ್ ಇರುವದಕ್ಕೆ ಇಸ್ಟವಿಲ್ಲದ್ದರಿಂದ ನಿವಾಸಿಗರ ನೆಪ ಮುಂದಿಟ್ಟು ಸ್ಥಳಾಂತರ ಮಾಡಲು ಹೊರಟಿರುವದು ದುರದ್ರಷ್ಟಕರವಾಗಿದೆ. ಯಾವುದೇ ಕಾರಣಕ್ಕೂ ಬದಲಾವಣೆ ಮಾಡಬಾರದು‌ ಬದಲಾವಣೆ ಮಾಡಿದರೆ ಹೋರಾಟ‌ ಅನಿವಾರ್ಯ ಎಂದು ಕೊಪ್ಪಳ ಜಿಲ್ಲಾ ಸರ್ವಾಂಗೀಣ ಹೋರಾಟ ಸಮಿತಿಯ ಜಿಲ್ಲಾ ಅಧ್ಯಕ್ಷ ಬಸವರಾಜ ಮ್ಯಾಗಳಮನಿ ಪತ್ರಿಕಾ ಪ್ರಕಟಣೆಯ ಮೂಲಕ ಶಾಸಕರನ್ನು ಒತ್ತಯಿಸಿದ್ದಾರೆ.