ಸೇಂಟ್ ಲೂಯಿಸ್ (ಯುಎಸ್): ಅಮೆರಿಕದಲ್ಲಿ ಮತ್ತೊಮ್ಮೆ ಗುಂಡಿನ ದಾಳಿಯ ಘಟನೆ ಮುನ್ನೆಲೆಗೆ ಬಂದಿದೆ. ಇಲ್ಲಿನ ಸೇಂಟ್ ಲೂಯಿಸ್ ಡೌನ್ಟೌನ್ನಲ್ಲಿ ಭಾನುವಾರ (ಸ್ಥಳೀಯ ಕಾಲಮಾನ) ನಡೆದ ಸಾಮೂಹಿಕ ಗುಂಡಿನ ದಾಳಿಯಲ್ಲಿ ಒಬ್ಬ ಯುವಕ ಸಾವನ್ನಪ್ಪಿದ್ದಾನೆ ಮತ್ತು ಒಂಬತ್ತು ಮಂದಿ ಗಾಯಗೊಂಡಿದ್ದಾರೆ ಎಂದು ಮಾಧ್ಯಮಗಳು ವರದಿ ಮಾಡಿವೆ.
ರಾತ್ರಿ 1 ಗಂಟೆಯ ನಂತರ (ಕೇಂದ್ರ ಕಾಲಮಾನ) ಡೌನ್ಟೌನ್ನಲ್ಲಿ ಪಾರ್ಟಿ ನಡೆಯುತ್ತಿದ್ದ ಕಟ್ಟಡದೊಳಗೆ ಈ ಘಟನೆ ನಡೆದಿದೆ. ಇಲ್ಲಿನ ಮೇಯರ್ ತಿಶೌರಾ ಜೋನ್ಸ್ ಪ್ರಕಾರ, ಗುಂಡಿನ ದಾಳಿಯಲ್ಲಿ 17 ವರ್ಷದ ಯುವಕ ಸಾವನ್ನಪ್ಪಿದ್ದಾನೆ. ಇನ್ನೂ, ಶಂಕಿತ ಆರೋಪಿ(17 ವರ್ಷದ) ಬಂಧನದಲ್ಲಿದ್ದಾನೆ ಎಂದು ತಿಳಿಸಿದ್ದಾರೆ.
‘ಫಾದರ್ಸ್ ಡೇ ದಿನದಂದು, ಸೇಂಟ್ ಲೂಯಿಸ್ ಪ್ರದೇಶದಾದ್ಯಂತ ಕುಟುಂಬಗಳು ಮತ್ತೊಂದು ಸಾಮೂಹಿಕ ಗುಂಡಿನ ದಾಳಿಯಿಂದ ತತ್ತರಿಸಿವೆ. ಇಂದು ನೋವಿನಲ್ಲಿರುವ ಎಲ್ಲಾ ಕುಟುಂಬಗಳಿವೆ ಎಂದಿದ್ದಾರೆ.
